Гей-пацалунак у пастаноўцы пра Шэкспіра прывёў да групавой малітвы

Выкананне п’есы пра творчасць Шэкспіра, дзе дэманструецца гей-пацалунак, п’янства і самагубства, выклікала занепакоенасць і спрычынілася да групавой хрысціянскай малітвы з нагоды яе «недарэчнага зместу».

9 лістапада пастар у акрузе Мітчэл ў Паўночнай Караліне арганізаваў групавую малітву пасля таго, як чальцамі мясцовага тэатру Parkway Playhouse у сярэдняй школе Мітчэла была пастаўленай п’еса Поўны збор твораў Шэкспіра (скарочана).

 

«У святле таго, што адбылося сёння ў сярэдняй школе Мітчэла, я думаю, што заўтра павінна з’явіцца група прапаведнікаў», – напісаў арганізатар групавой малітвы пастар Тымаці Рупард з баптысцкай царквы Храма ў паведамленні ў сацыяльных сетках 8 лістапада, якое цытавалася мясцовым навінавым выданнем Mitchell News-Journal.

Неадназначнасць, якая згадвалася ў публікацыі, стала тэмай актыўных абмеркаванняў у сацыяльных медыях сярод мясцовай супольнасці.

Некаторыя бацькі падтрымалі рашэнне дырэктара школы акругі Мітчэл Чада Калгуна спыніць спектакль неўзабаве пасля яго пачатку, у той час як іншыя лічылі, што гэты крок сведчыць пра фанатызм і невуцтва.

Пра што Поўны збор твораў Шэкспіра (скарочана)?

П’еса 1987 года – сатырычная інтэрпрэтацыя найбольш знакамітых п’есаў майстра: «Рамэо і Джульета», «Атэла», «Антоні і Клеапатра». Як і ў арыгіналах, у п’есе маюцца сцэны п’янства, гвалту, самагубства.

П’еса выконваецца трыма акторамі мужчынскага полу – так, як выконваліся арыгінальныя шэкспіраўскія п’есы, паколькі ў лізавецінскія часы жанчынам не дазвалялі граць у тэатры. У п’есе таксама ёсць гей-пацалунак.

 

Калгун сказаў мясцоваму навінаваму выданню WLOS, што ён пачаў атрымліваць скаргі наконт зместу п’есы ад бацькоў і вучняў.

«На сцэне пілі спіртное з бутэлек, паказвалі самагубства», – сказаў ён.

Калгун не ўзгадаў гей-пацалунак, аднак у анлайн прасторы гомасэксуальнасць была асноўнай тэмай для абмеркавання і сведчаннем «непрыдатнасці» п’есы.

Спрэчка пра гей-пацалунак

Адзін з бацькоў Шэры Кук, які падзяліўся ў Фэйсбуку артыкулам Mitchell News-Journal, сказаў, што мясцоваму тэатру «мусіць быць сорамна»; ён адзначыў, што п’еса паказвае «гомасэксуальнасць, самагубства і ўжываежудасную мову». Шэры Кук відавочна спасылаўся на гей-пацалунак, паказаны ў п’есе.

 

Эван Брыгс, студэнт, які вывучае тэатральнае мастацтва,таксама выказаўся наконт неадназначнага гей-пацалунка.

«Так званы «пацалунак» быў сцэнічным пацалункам, які наагул зусім ня быў сапраўдным. У пастаноўцы былі і іншыя кранальныя моманты, гэта адназначна, але я зусім не бачу прычынаў, чаму на пастаноўку звяртаюць так шмат увагі!!» – напісаў студэнт у сваім Фэйсбуку 8 лістапада.

Як і планавалася, групавая малітва адбылася

Нягледзячы на неадназначнасць сітуацыі, групавая малітва адбылася, як і планавалася. «Малітва ў сярэдняй школе Мітчэла апоўдні. Гэта не нянавісць, гамафобія або істэрыя, ГЭТА МАЛІТВА!!” Раніцай 9 лістапада Рупард зноў напісаў у Фэйсбуку, заклікаючы сабрацца перад будынкам Рады па адукацыі.

Пазней ён апублікаваў падзяку людзям, якія адказалі на заклік да групавой малітвы.

Фотаздымкі з падзеі, апублікаваныя ў сацыяльных сетках журналістамі мясцовага навінавага выдання WLOS, паказваюць, што прысутнічала каля 30 чалавек.

Мастацкая рада Toe River, якая падтрымала п’есу, зрабіла заяву і папрасіла прабачэння за пастаноўку.

«Мы ўсведамляем, што ў арыгінальным сцэнары п’есы прысутнічалі сцэны, якія мусілі быць адрэдагаваныя, каб ён адпавядаць аўдыторыі сярэдняй школы», – гаворыцца ў іхнай заяве.

«Наш намер быў зрабіць вясёлую пастаноўку, а таксама паказаць, як граліся п’есы ў часы Шэкспіра».

12 лістапада мясцовыя жыхары стварылі на change.org петыцыю ў знак салідарнасці з мастацкай радай Toe Rivers, сабраўшы больш за 140 подпісаў на працягу першых 24 гадзінаў.

У петыцыі змяшчаецца цытата з п’есы Шэкспіра «Дванаццатая ноч»: «Няма цемры, ёсць невуцтва».

 

pinknews