Шэф “Баварыі”: Нельга хавацца па прычыне гомасексуальнасці

Кожны ігрок-гей знойдзе ў футбольным клубе “Баварыя” Мюнхен “радзіму, абароненае поле і можа быць упэўненым у салідарнасці нашага аб’яднання”, абяцае прэзідэнт Герберт Хайнэр.

Прэзідэнт “Баварыі” Герберт Хайнэр мае намер не толькі не даваць парадаў у дзеяннях прафесійных футбалістаў-геяў, але выступае за стварэнне атмасферы, якая падтрымлівае і робіць незаганнымі арыентацыі ва ўсіх кірунках. “Я мяркую, гэта не наша задача заахвочваць іграка адкрыць сваю сексуальную арыентацыю”, сказаў Хайнэр у інтэрв’ю ў панядзелак. Гэтае рашэнне кожны чалавек прымае сам. “Галоўнай нашай мэтаю з’яўляецца стварэнне ў нашым грамадстве такой атмасферы, калі нікога ні да чаго ніхто не прымушае. Зрабіць у гэта свой унёсак плануем і мы ў нашым ФК “Баварыя” Мюнхен”, сказаў Хайнэр.

Разнастайнасць з’яўляецца “натуральным разуменнем” клуба

Наступнік Улі Хёнэса на пасадзе прэзідэнта нямецкага чэмпіёна-рэкардсмена адзначыў: “ФК “Баварыя” ва ўсялякім выпадку мае адназначнае стаўленне на тэму гомасексуальнасці: ніхто не павінен хавацца па прычыне ўласнай сексуальнай арыентацыі. Кожны знойдзе ў ФК “Баварыя” “радзіму, абароненае поле і можа быць упэўненым у салідарнасці нашага аб’яднання”. “Талерантнасць і разнастайнасць з’яўляюцца “натуральным разуменнем” у ФК “Баварыя”, без пытанняў”.

Акурат у лютым аналагічную пазіцыю Герберт Хайнэр выказаў у інтэрв’ю “Rheinische Post”. У апошнім рэпартажы “Адкрытая гульня” на тэму гамафобіі ў футболе разам з шэфам “Баварыі”, апроч іншых, выказаліся Томас Хіцльшпергер і Надзін Ангерэр, а таксама квір-фан-клубы каманд-удзельніц Бундэслігі.