Вокладкі “Barazoku”

«Ружовае племя» (“Barazoku”) не быў першым японскім часопісам для гомасексуальных мужчынаў, але гэта было першае камерцыйнае перыядычнае выданне «па тэме» з вялікім накладам, а таксама з найдаўжэйшай гісторыяй выдання.

У перыяд з 1971 па 2008 год было выдадзена 400 нумароў гэтага часопіса.

Японскае слова “bara” («ружовы») першапачаткова мела зняважлівае значэнне, накшталт “педзік”. Як і ў многіх слэнгавых тэрмінаў, такіх як «гей», значэнне і прымяненне з часам эвалюцыянавалі. Выкарыстанне «bara» сёння збівае з панталыку яго прымяненне на Захадзе для абазначэння практычна любой формы гей-мангі, якая не з’яўляецца «яой», чаму запярэчваюць некаторыя японскія мастакі.

Самае вялікае ўражанне ад вокладак “Barazoku” на заходняга чытача складала шырокае выкарыстанне на іх малюнкаў або карцін замест фатаграфій. Гэта не зусім беспрэцэдэнтна. Амерыканскія часопісы “Physique Pictorial” і “Fizeek” у ЗША час ад часу выкарыстоўвалі намаляваныя вокладкі. Аднак змяшчаць мастацкія творы на вокладцы ўвесь час было вельмі незвычайна. (Першыя некалькі вокладак таксама ўтрымлівалі вытрымкі з лірыкі «Мост над усхваляванай вадой…» (“Bridge Over Troubled Water…”). Некаторыя з мастакоў, якія стваралі вокладкі ці ілюстрацыі для гэтага часопіса, былі дастаткова вядомымі ў Японіі. Сярод іх былі Бэн Кімура, Го Місіма і Садао Хасэгава. Вокладкі з подпісам «Руна» былі намаляваныя Рунэ Наіта (1932–2007), мастаком, больш вядомым у Японіі тым, што ён папулярызаваў эстэтыку «каўаі» сваімі малюнкамі дзяўчат з вялікімі вачыма і пандаў.