Што давялося перажыць мігрантам у Літве: агароджы і абразы — гэта толькі вяршыня айсбергу
Літва не забяспечыла роўныя магчымасці для асобаў, якія шукаюць прытулку, і мігрантаў, якія прыбылі ў Літву праз Беларусь, і парушыла іх правы, гаворыцца ў дакладзе Офісу амбудсмена Літоўскай Рэспублікі па роўных магчымасцях.
Гэтага, на думку ведамства, можна было б пазбегнуць, калі б ужываліся альтэрнатыўныя затрыманню захады, паведамляе delfi.lt .
У дакладзе адзначаецца, што просьбіты прытулку і мігранты ў Літве адчувалі няўпэўненасць і страх перад будучыняй, сутыкаліся з дыскрымінацыяй, дэгуманізацыяй, зневажальным паводзінамі і гвалтам.
Сярод іншага, Офіс амбудсмена па роўных магчымасцях адзначае, што мігранты, размешчаныя ў сектары ЛГБТІ+ у Пабрадзе, пацярпелі або падлягалі эксплуатацыі, таму што яны з ліку ЛГБТІ+; таксама і мужчына, якога замкнулі ў «бардэлі» ў Беларусі і прадалі.
Офіс амбудсмена па роўных магчымасцях заявіў, што пры размяшчэнні просьбітаў прытулку і мігрантаў не браліся пад увагу адметныя асаблівасці іх асобы, у тым ліку іх сексуальная арыентацыя і гендарная ідэнтычнасць, у выніку чаго негетэрасексуальныя асобы сутыкаліся з непажаданымі паводзінамі – дамаганнямі, гвалтам, эксплуатацыяй.
Кажуць, што негетэрасексуальныя мужчыны таксама сутыкаліся з непрыемнымі паводзінамі з боку супрацоўнікаў, якія працуюць у цэнтрах утрымання пад вартай, і яны лічылі, што супрацоўнікі паводзілі сябе такім чынам з прычыны іх гамафобных падыходаў.
Калі негетэрасексуальныя мужчыны выказвалі жаданне, каб іх перасялілі, напрыклад, на іншы паверх жылога памяшкання, ад іх патрабавалі прадставіць доказы – яны павінны былі распавесці пра свае мінулыя стасункі, паказаць здымкі.
«Патрабаванне «даказаць» сексуальную арыентацыю і/або гендарную ідэнтычнасць зневажальнае, а просьба раскрыць асабістую інфармацыю пра мінулыя стасункі з асобамі таго ж полу з’яўляецца празмернай, асабліва з улікам таго, што асобы, якія прыязджаюць з краінаў, дзе негетэрасексуальнасць легальна і/або сацыяльна караецца, могуць адчуваць сябе вельмі некамфортна, дзелячыся такім кшталтам асабістай інфармацыі, і, магчыма, не мелі негетэрасексуальных стасункаў або здымкаў і/або дакументаў, якія пацвярджаюць гэта», — адзначаецца ў справаздачы Офісу амбудсмена па роўных магчымасцях.
Крыніца: lgl.lt
Подписывайтесь на наш Telegram-канал!
ЛГБТК-миграция. Большой путеводитель по переезду в безопасную страну
