Першая стратэгія ЕС па забеспячэнні роўнасці ЛГБТК абмяркоўвалася на Нацыянальным форуме па правах чалавека

9 снежня 2022 года ЛГЛ, нацыянальная арганізацыя па абароне правоў ЛГБТК, арганізавала дыскусію «першая стратэгія ЕС па забеспячэнні роўнасці ЛГБТІК на 2020-2025 гады: ці стане інклюзіўная палітыка ў дачыненні да ЛГБТК неад’емнай часткай стратэгічных мэтаў Літвы?» на Нацыянальным форуме па правах чалавека.

Першая стратэгія ЕС па забеспячэнні роўнасці ЛГБТК на 2020-2025 гады заклікае дзяржавы-чальцы ЕС распрацаваць нацыянальныя планы дзеянняў па забеспячэнні роўнасці ЛГБТІК-асобаў, заснаваныя на прыкладах перадавой практыкі. Мэта — узмацненне абароны ЛГБТК-асобаў ад дыскрымінацыі і забеспячэнне рэалізацыі мэтаў і дзеянняў, выкладзеных у гэтай стратэгіі, на нацыянальным узроўні.

Дыскусію адкрылі прывітальныя прамова Роберта С. Гілкрыста, амбасадара Злучаных Штатаў Амерыкі, і відэазварот камісара ЕС па пытаннях роўнасці Гэлены Далі.

У дыскусіі бралі ўдзел: Юстына Якшценэ, намеснік міністра сацыяльнага забеспячэння і працы Літоўскай Рэспублікі; Агнэ Казлаўскайтэ, намесніца кіраўніка Прадстаўніцтва Еўрапейскай камісіі ў Літве; Вітаўтас Валянцінавічус, кіраўнік аддзелу па правах чалавека Офісу амбудсмена Сейму; Даніэль Э.Арнарсан, выканаўчы дырэктар нацыянальнай квір-арганізацыі Ісландыі «Самтокін 78»; Уладзімір Сімонка, выканаўчы дырэктар ЛГЛ, нацыянальнай арганізацыі па абароне правоў ЛГБТК. Мадэратарам дыскусіі была Моніка Антанайцітэ, юрыстка і праваабаронца.

Форум па правах чалавека 2022 года прадэманстраваў рашучы заклік да роўнасці для ЛГБТК-асобаў: Гэлена Далі, камісар ЕС па пытаннях роўнасці, заклікала Літву прыняць нацыянальны план дзеянняў у дачыненні да ЛГБТК, а Дун’я Міятавіч, камісар Рады Еўропы па правах чалавека, выказала надзею, што Літва неўзабаве далучыцца да дзяржаваў-чальцоў, якія забяспечваюць юрыдычныя механізмы для абароны партнёраў аднаполых шлюбаў.

Крыніца: lgl.lt, Эгле Куктарайтэ

Подписывайтесь на наш Telegram-канал!

ЛГБТК-миграция. Большой путеводитель по переезду в безопасную страну

Смотрите интересные видео на нашем YouTube-канале