Авіякампанія British Airways адмяняе архаічныя гендэрныя правілы, якія забараняюць супрацоўнікам мужчынскага полу насіць макіяж

Авіякампанія British Airways абнавіла строгія рэкамендацыі, каб дазволіць супрацоўнікам мужчынскага полу насіць пірсінг і макіяж падчас выканання службовых абавязкаў.

Авіякампанія мадэрнізавала сваю палітыку правіламі, якія не вылучаюць супрацоўнікаў паводле гендэрнай прыналежнасці. Адцяпер, паводле ўнутранай памяткі, усе супрацоўнікі ў форме – як жанчыны, так і мужчыны, могуць насіць туш, накладныя вейкі і завушніцы, а таксама мець пры сабе аксэсуары, уключаючы торбачкі, паведамляе The Guardian. Нягледзячы на ​​​​тое, што макіяж дазволены згодна з абноўленымі правіламі, персаналу рэкамендуецца выкарыстоўваць «тонкія адценні» для «натуральнага выгляду» ў разе яго выкарыстання. Лак для пазногцяў дазволены для ўсіх супрацоўнікаў (хаця чорныя і неонавыя пазнокці па-ранейшаму забароненыя). Таксама мужчынскаму персаналу будзе дазволена збіраць валасы ў пучок. Брытанскія авіялініі выпусцілі наступны прэс-рэліз: «Мы ганарымся ўсімі нашымі калегамі ў British Airways і імкнемся да інклюзіўнага працоўнага асяроддзя. Мы раіліся з нашым персаналам, каб стварыць абноўленыя рэкамендацыі па догляду за сабою і аксэсуарам, якія дазволяць нашым калегам кожны дзень прыходзіць на працу ў самай лепшай, самай сапраўднай версіі саміх сябе».

British Airways традыцыйна прытрымліваецца строгай палітыкі ўніформы. У даведніку па форме ў 2015 годзе гаворыцца: «Уніформа з гонарам паказвае брытанскую спадчыну і каштоўнасці авіякампаніі праз якасць і ўвагу да дэталяў і да агульнага прафесійнага іміджу. Нашы стандарты самыя высокія і усе гэтыя рэкамендацыі датычацца вас і таго, як вы выглядаеце ў вашай форме».

Аднак абноўленая памятка ад Брытанскіх авіялініяў раіць супрацоўнікам «быць смелымі, ганарыцца сабою, быць самімі сабой» і спадзяецца, што новыя рэкамендацыі будуць «прынятыя да следавання ўсімі незалежна ад полу, гендэрнай ідэнтычнасці, этнічнай прыналежнасці, паходжання, культуры, сексуальнай ідэнтычнасці і інш.».

Брытанскія авіялініі прытрымліваюцца лініі кампаніі Virgin Atlantic, якая абнавіла сваю палітыку гендэрнай ідэнтычнасці, каб дазволіць членам экіпажа насіць значкі з займеннікамі на сваёй форме, а таксама «насіць вопратку, якая паказвае, як яны ідэнтыфікуюць або ўяўляюць сябе», адмяніўшы патрабаванні да гендэрна адрознай формы. Брытанскія авіялініі пакуль не адмянілі гендэрныя патрабаванні да адзінай формы. Усё наперадзе!

Аўтар:  Charlie Duncan, thepinknews.com

Подписывайтесь на наш Telegram-канал!

ЛГБТК-миграция. Большой путеводитель по переезду в безопасную страну

Смотрите интересные видео на нашем YouTube-канале