Аўстрыйская травесці-дзіва Канчыта Вурст выпусціла песню для Еўрабачання. ВІДЭА
Запланаванае выступленне ўжо справакавала заклікі да блакавання трансляцыі конкурсу ў шэрагу еўрапейскіх краін.
Аўстрыйская травесці -дзіва Канчыта Вурст, як паведамлялася раней, прадставіць сваю краіну на маючым адбыцца ў траўні конкурсе Еўрабачанне ў Капенгагене. У ходзе прэс -канферэнцыі 18 сакавіка аўстрыйскае тэлебачанне прадставіла кампазіцыю «Паўстаць, як фенікс» — душараздзіральную баладу, якую выканае падчас конкурсу барадатая травесці.
Том Нойвірт, які грае Канчыта Вюрст, стаў вядомым у Аўстрыі дзякуючы тэлевізійнаму конкурсу талентаў «Старманія» ў 2006 годзе. У сваім травесці-вобразе ён дэбютаваў у 2011 годзе.
Першапачаткова Вурст была адабрана ў якасці ўдзельніка Еўрабачання ад Аўстрыі яшчэ ў верасні мінулага года. Яна выступіць у другім паўфінале, які пройдзе 8 траўня. У выпадку поспеху ў паўфінале, яна пройдзе ў вялікі фінал, які адбудзецца 10 траўня.
Леташняе Еўрабачанне запомнілася акцыяй фінскай групы ў падтрымку аднаполых шлюбаў. Спявачка Крысці Сіегфрыдс пацалавалася з адной з танцорак ў самым фінале свайго выступу з кампазіцыяй «Marry Me».
Раней улады Капенгагена заявілі, што падчас тыдня конкурсу Еўрабачання правядуць цэрымоніі вяселля пар геяў, лесбіянак і гетэрасексуалаў пад адкрытым небам.
Запланаванае выступленне Канчыты Вурст ўжо выклікала пратэсты і заклікі да адмены трансляцыі конкурсу ў шэрагу еўрапейскіх краін, у тым ліку ў Беларусі, Расіі і Турцыі.
