Кодэкс паводзінаў ЕС па барацьбе з нянавісцю ў інтэрнэце: Ацэнка мовы нянавісці запавольваецца

24 лістапада 2022 года Генеральны дырэктарат па пытаннях юстыцыі і спажыўцоў Еўрапейскай камісіі абвясціў пра вынікі 7-й ацэнкі выканання Кодэксу паводзінаў.

7-ая ацэнка Кодэксу паводзінаў па супрацьдзеянні незаконным выказванням нянавісці ў інтэрнэце паказвае, што колькасць апавяшчэнняў, разгледжаных на працягу 24 гадзін (64,4%), скарацілася ў параўнанні з 2021 годам (81%) і 2020 годам (90,4%). Толькі TikTok павялічыў сваю прадукцыйнасць (з 82,5% да 91,7%). Сярэдні паказчык выдалення (63,6%) аналагічны 2021 годзе (62,5%), але ўсё яшчэ ніжэйшы, чым у 2020 годзе (71%). Калі паглядзець на індывідуальныя вынікі платформаў, дык бальшыня з іх (за выключэннем YouTube) выдалілі менш матэрыялаў з мовай нянавісці, чым у 2021 годзе. Якасць зваротнай сувязі з апавяшчэннямі карыстальнікаў палепшылася ў параўнанні з папярэднімі захадамі па маніторынгу.

Фота www.lgl.lt

Нацыянальная арганізацыя па абароне правоў супольнасці ЛГБТ LGL у супрацоўніцтве з Еўрапейскай камісіяй адсочвае сайты сацыяльных сетак на прадмет мовы нянавісці на глебе сексуальнай арыентацыі ў Facebook, Instagram, Twitter, YouTube і Google+. У 2022 годзе LGL паведаміла пра 215 незаконных выказванняў нянавісці на глебе сексуальнай арыентацыі.

У цэлым, ІТ-кампаніі выдалілі 63,6% кантэнту, пра які ім прыйшлі апавяшчэнні, у той час як 36,4% кантэнту засталіся анлайн. Гэты вынік трохі вышэй сярэдняга паказчыка ў 62,5%, зафіксаванага ў 2021 годзе, але ніжэй пікавага паказчыку ў 71% у 2020 годзе. ІТ-кампаніі выдалілі 98,1% незаконных каментароў, якія распальваюць нянавісць, пра якія паведаміла Нацыянальная арганізацыя па абароне правоў ЛГБТ LGL.

Крыніца: lgl.lt