ЛГЛ арганізавала першую ў гісторыі канферэнцыю па інклюзіўнасці ЛГБТІ ў Літве
29 сакавіка 2023 года ЛГЛ (LGL), Нацыянальная арганізацыя абароны правоў ЛГБТ, арганізавала першую ў гісторыі Літвы вочную канферэнцыю, адмыслова прысвечаную тэме інклюзіўнасці ЛГБТІ на працоўным месцы «Кірунак: працаўладкаванне. Умацаванне інклюзіўнасці ЛГБТК на працоўным месцы».
У рамках канферэнцыі былі разгледжанымі тэмы разнастайнасці, роўнасці і інклюзіўнасці (РРI), іх апошнія тэндэнцыі, праблемы і перадавая практыка, а таксама важнасць адкрытасці на працоўным месцы. На канферэнцыі падкрэслівалася, што інклюзіўнасць дае плён у тым, што тычыцца прыцягнення талентаў і іх утрымання, павышэння прыбытку, агульнай прадукцыйнасці і садзейнічання культуры працы і даверу паміж кампаніямі і іх стэйкхолдарамі.
Мадэратарам канферэнцыі выступіў Андрыўс Франкас, партнёр Alliance for Recruitment, сябра рады дырэктараў гандлёвай палаты Швецыі. З прывітальнымі прамовамі выступілі міністр эканомікі і інавацыяў Літоўскай Рэспублікі Аўшрыне Арманайтэ, Амбасадар Злучаных Штатаў Амерыкі ў Літве Роберт Гілкрыст і Часовы Павераны ў справах амбасады Канады ў Літве Рычард Марцін-Нільсэн.
Асноўныя выступы і дыскусіі былі прысвечаныя важнасці адкрытага і бяспечнага працоўнага асяроддзя для супрацоўнікаў з ліку ЛГБТІ, укараненню культуры, заснаванай на даверы, і прасоўванні разнастайнасці і роўнасці правоў чалавека ў сучасных бізнес-стратэгіях і мадэлях.
З дакладамі на канферэнцыі выступілі прадстаўнікі Moody’s Corporation, Western Union і Strategic Staff Solutions. У першай частцы адбылася дыскусія пра стварэнне інклюзіўнага асяродку працы «Open at Work». У абмеркаванні ўзялі ўдзел прадстаўнікі «Bitė Lietuva», Рады міністраў Паўночных краінаў і Accenture Baltics.
Канферэнцыя была часткай праекту “Кірунак: працаўладкаванне»«, які стварыў магчымасць для моладзі па-за працай, адукацыяй і прафесійнай падгатоўкай (NEET) з уразлівых/слаба прадстаўленых пластоў грамадства раскрыць свой патэнцыял у IT. Праект фінансуецца Ісландыяй, Ліхтэнштэйнам і Нарвегіяй праз ЕЭП і Нарвежскі фонд грантаў для працаўладкавання моладзі. З мэтай скарачэння сацыяльных і эканамічных дыспрапорцыяў у Еўрапейскай эканамічнай прасторы Нарвегія, Ісландыя і Ліхтэнштэйн стварылі фінансавыя механізмы ЕЭП і Нарвегіі. Праект рэалізуецца балгарскім фондам «Майстэрня грамадзянскіх ініцыятываў «(Балгарыя), нацыянальнай арганізацыяй абароны правоў ЛГБТ LGL (Літва), DMC Metrix (Ірландыя), кааператыўным таварыствам» Брэх-момо » (Італія), P. PORTO (Партугалія), Ljudska universa Velenje (Славенія).
Крыніца: lgl.lt, Эгле Куктарайтэ
Подписывайтесь на наш Telegram-канал!
ЛГБТК-миграция. Большой путеводитель по переезду в безопасную страну
Смотрите интересные видео на нашем YouTube-канале
