лгбт

Кіраўніцтва гонкі папярэдзіла Себасціяна Феталя

время чтения: < 1 мин

Перад гонкай Формулы-1 у Венгрыі Себасціян Феталь пры выкананні венгерскага гімну быў апрануты ў адмысловую цішотку. Гэта мела для яго наступствы.  

 

Себасціян Феталь падчас Гран-пры Венгрыі вербальна і візуальна падаваў знакі ў падтрымку талерантнасці і правоў чалавека. Тое, што непасрэдна пры выкананні венгерскага гімну перад гонкай Формулы-1 ён быў апрануты ў вясёлкавую цішотку з надпісам “Таксама каханне”, мела наступствы. Ён атрымаў папярэджанне па-за межамі трасы, якое ў спалучэнні з двума папярэджаннямі за непатрэбныя паводзіны непасрэдна на трасе можа негатыўна паўплываць на стартавую пазіцыю.

 

Дырэктар гонак Майкл Масі заявіў увечары ў гоначным лагеры, што пілоту была прадстаўленая магчымасць перад стартам прадэманстраваць падтрымку афіцыйнай кампаніі Формулы-1 “Мы імчымся як адзін”. Аднак трэба паважаць гімн гасцявой краіны, пры гэтым гоншчыкі мусяць быць апранутыя ў свае гоначныя формы, падкрэсліў Масі. “Так ужо было падчас шэрагу імпрэзаў. А зараз гэта першы раз, калі адбылося нешта падобнае. Прычым Себасціян быў не адзіны”.

 

Гэта быў проста маленькі знак падтрымкі, адзначыў Феталь, які нават разлічваў на грашовы штраф. Шкада, што з гэтым, як і раней, узнікаюць праблемы, сказаў ён тэлеканалу Sky. 34-гадовы ўраджэнец Хэпенхайму, як і супер-зорка Люіс Хэмільтан (36), некалькімі днямі раней выказаў сваё дакладнае стаўленне да запланаванага рэферэндуму супраць правоў негетэрасэксуальных людзей (ЛГБТ) у Венгрыі.

 

“Гэта сорамна для краіны”, — сказаў Феталь на прэс-канферэнцыі ў мінулы чацвер. Ён не мог зразумець, што ўрад так моцна змагаецца супраць таго, каб людзі свабодна маглі жыць так, як яны таго жадаюць.

 

Прагноз, “што мы ўсе калісьці будзем вымушаны пакінуць планету”, вельмі добры”, — такое меркаванне выказаў у нядзелю Феталь, адказваючы на падазроныя позіркі на яго цішотку.