![Таронта Прайд 2024 – свята ўсмешак Таронта Прайд 2024 – свята ўсмешак](/wp-content/uploads/20240630_4-scaled.jpg)
Таронта Прайд 2024 – свята ўсмешак
Сівер і дробны дожджык ў апошні дзень чэрвеня не спынілі дзясяткі тысяч гледачоў і сотні ўдзельнікаў прайд-параду ў сталіцы канадскай правінцыі Антарыё – Таронта.
Шматлікія арганізацыі розных профіляў з вясёлкавымі сцягамі, павозкамі і транспарантамі прайшлі традыцыйным маршрутам ад скрыжавання Царкоўнай і Блур да плошчы Натан-Піліп у самым цэнтры Таронта.
Тут можна было заўважыць прадстаўнікоў практычна ўсіх пластоў канадскай супольнасці – ад супрацоўнікаў банкаў і авіякампаніяў, дзяржаўных і навучальных устаноў, клеркаў мэрыі, пажарных і медыкаў да суполак бацькоў дзяцей-геяў і пастваў разнастайных прагрэсіўных канфесіяў.
Гледачы віталі ўдзельнікаў прайд-параду воклічамі і добрымі ўсмешкамі.
Трэці год запар была заўважана жоўта-блакітная ўкраінская калона. Сёлета яна дапаўняла асноўны Кіеў Прайд, які вярнуўся дадому.
Гарадскія ўлады Таронта прынялі ўсе магчымыя меры засцярогаў дзеля бяспечнага і камфортнага гарадскога прайду. Некаторых ўдзельнікаў суправаджалі асабістыя ахоўнікі.
На жаль, пад канец прайд-параду атмасфера свята была азмрочана агрэсіўнымі пратэстоўцамі, якія перакрылі праход для ўдзельнікаў на вуліцы Янг. Як вынік, паліцыі давялося адмяніць рэшту мерапрыемства.
Аднак вясёлкавае свята разнастайнасці працягвалася ў іншых фарматах і на іншых пляцоўках у цэнтры горада.
Разнастайнасць не спыніць!
***
Подписывайтесь на наш Telegram-канал!
ЛГБТК-миграция. Большой путеводитель по переезду в безопасную страну