Мастацтва Тацуі Акава, 1904 – 1994

Тацуі Акава (大川辰次) – гомаэратычны мастак-фетышыст, які, паводле даследчыка гісторыі мастацтва Генгара Тагамэ, разам з Го Мішыма, Саншы Фунаяма і Го Хірана быў цэнтральнай фігурай у першай плыні сучасных гомасексуальных мастакоў у Японіі.

Акава жыў у японскім рэгіёне Канта. У прыватным жыцці ў яго была жонка, дзеці і офісная праца. Час ад часу ён здымаў нумары ў гатэлі «Сіндзюку» для малявання.

Акаве было амаль 60 гадоў, калі пачалася яго сур’ёзная кар’ера эратычнага мастака. Гэта адбылося пасля таго як у 1964 годзе ён апублікаваў свае працы ў выпуску часопіса «Фузокукітан» — перыядычнага фетыш-выдання, якое публікавала гомасексуальны кантэнт разам з лесбійскімі і гетэрасексуальным. Пазней ягоныя ілюстрацыі з’яўляліся ў «тэматычным» японскім часопісе «Баразоку».

Акава кінуў творчасць ілюстратара ў 1970-х і перадаў свае працы мастаку Маміі Хірошы, тагачаснаму рэдактару часопіса «Фузокукітан». Пасля смерці Акавы ў 1994 годзе яго працы былі набытыя Хірошы і Бунгаку Іто – рэдактарам-заснавальнікам часопіса «Баразоку».

Крыніца: johncoulthart.com